Leyla & Cigerxwin

   Leyla kîye ?

    Leyla jine

          Leyla mine

Leyla mine , Leyla welét

Wé dil li min kir ar û pét

Mizgîn li kurd roja me tét

Leyla kîye ?

  Leyla jine

              Leyla mine

Sitér ji ezman hate xwar

Zer bûn li min bax û bihar

Rabin ji xwe ey xwendewar !

Tev mér û jin bibne şîyar .

  Leyla kîye ?

    Leyla jine

            Leyla mine

                       Leyla mine…

Daser te taca Erdeşér

Navé te dinvîsim bi zér

Jin nû dibin wek şér û mér

  Leyla kîye ?

       Leyla jine

               Leyla mine

Leyla keça Mît û Meda

Cané xwe da di ber me da

Bijîn heçî ko canfîda

  Leyla kîye ?

    Leyla jine

           Leyla mine

Leyla delal û pir çeleng

Leyla ciwan û şox û şeng

Xwe daye kuştin wek pileng

Şére li nav kurd daye deng

  Leyla kîye ?

      Leyla jine

              Leyla mine

Leyla çiraxa şevreşe

Wé rû li kurdan kir geşe

Kuştin bi me kurdan xweşe

      Leyla jine

              Leyla mine

                           Leyla mine…

Bi wé li kurd ron bûye şev

Jin bûne wek Leyla me tev

Îdî nema héjaye rev

  Leyla kîye ?

      Leyla jine

                      Leyla mine

Divém li pey te bém ejî

Çibkim bi vé jîna rijî ?

Xwîné neréjî napijî

  Leyla kîye ?

      Leyla jine

             Leyla mine

Pir şerme ey xortén ciwan !

Keç béne kuştin pehlewan

Win jî temaşekin li wan

Rûmet çîye ey xwendewan  ?

        Leyla kîye ?

           Leyla jine

                  Leyla mine

                             Leyla mine…

Érîş bikin rengé Ziya

Zû derkevin jorén çîya

Bigrin li ber dijmin rîya

  Leyla kîye ?

          Leyla jine

              Leyla mine

Leyla bijî , sed aferîn

Ji bo me bûye ol û dîn

Dîsa li min derbûn birîn

  Leyla kîyé ?

       Leyla jine

               Leyla mine