Cîhan & Rêzan

                  Cîhan : Dengbêja Kobanê ya yekem

     Li nêv milletê Kurd li Kobanê pir Şerm û Fedî û Eyb bû ku Qîzik, Keç yan jî Jin, stranan bibêje  û sêzbike , ne bes Keçan , eger xortekî li Tempûrê xista bi wî re digotin Dûman , lê dem pir birînan derman dike bi vî hawî pir sal liser Kobanê re derbasdibûn .

   Di sala 1977 de , me serê xwe li dijî vê nexweşê hilda , Bavê me

mirovekî Sofî bû û Dîya me miroveke bi Ola Islamê û bi Pêxember Mihemed ji dilde bawerdikir û hemî xwestekê bawerîyê çi : Nemaz , Zekat , Rojî û Şehadet dianîn cih , erê Bavê me Sofî bû lê Sofîyekî pir Pêşketî û Welatparêz bû , di dema Zarokîya mede pir Helbest û stranên Kurmancî liber me digotin, wek Helbestên Melayê Cizîrî ,Qedrî can , Ehmedê Xanî û Cigerxwîn.

  Cara yekemîn stranên (Xeco ya Şikakî û Sîyamend) û ( Memê alan û Zînê) me ji Bavê xwe yê Sofî bihîstin û bi dilxweşî guhdarî dikir û hodibûn .

Fatma Sewo 1928 -2007

 Havîna Sala 1977 ji Helbestên Birayê me Dilsoz û Mamosta

 Cigerxwîn min  û xûşka xwe Cîhan çend stranên xweş amadekirin û Bandek

 ( Kassêtek) bi navê Dîyar Bekir çêkir û belavkir,

wek Strana ( rakin Das û Qalûçan), (Slav bo Şivan û Mihemed Şexo),

(Gandî û Nehro) ,(Xwe vemeşêre Keçê) û pir stranên din .

  Hemû stranên me liser rêçek welatparêzî û Civakî bûn, ji xwestekin

  me yên pêwîst ew bûn ku Navên Kurdî li Zarokên nûhatî

  bikin û Keç û Jina Kurd ne bindestbin.

 Ez û Xûşka xwe a dengxweş û şêrîn "Cîhan" û  Birayê xwe ê Helbestvan "Dilsoz"... 

piştî  31 Salan ji Amedekirina Kassêta Dîyar Bekir "AMED" pir serlbilindin.

Pir xwestekin me hatin cih û a niha li Bajarê Kobanê ne şerme û ne eybe

ku keçek an jî jinek sêz bike û Stranan bibêje û Navên kurdî li nêv

gellê Kobanê zor belavbûn û pir keç û xortên Kobanê li dijî Hemberan û Dijmnan

xwîn a xwe dan û Nemir bûn .....

Sed hezar temene  û qurban jibo canê nemirên me ,

 yek ji wana, xortê ciwan yê helincî

                                           Izeddînê  Misî  Îsê

---------------------

Zimanê me