Dûrî ji Welêt

Ax ji destê Dûrî yê

Roja ku mirov ji welatê xwe bi dûr dikevê, pir xewnên şekerî û şêrîn liber çavên wî ne, bibawerî ew ku bı jîanek xwestir bijê, lê mixabin pir xewn ne rastin û mirov pir û pir dilikumê, pêçîyên wî pir li keviran dikevin, zor îhanet û kêmayê û ne rindê dadiqultîne , wê demê herrîya welêt tê bîra mirov, mal û malbat têne bîra mirov û hemû nexweşê li welêt, bi mirov xweş dibin .

Dûri ji welêt kesek nizanê, tenê ye ku dûrketî , erê li welatê din pir tişt ji tiştên welatê me çêtir , şêrîntir û xewşiktir in , ez an niha li bajarê Vienna me, her kes dizanê Vienna çend şêrîn û pak e, bi gul û dar û ave , li herder gul û gobikan tu dibînî , li herder merc û keske,ava çemê Danûba hêşin di orta bajêr re dimeşê û diheriqê , bi rastî ti gotinên xerab liser bajarê Vienna nikarim bibêjim, yeka tene ez dikarim bibêjim " Eger Bihişt (Cennet) hebê,ew bajarê Vienna ye".

Em werin ser Aşiqek din, ye ku bi helbestin xwe li ser dema bûhrî li welêt, digrî û digrî,

ew Aşiqa Seyda Cigerwxîn e, Ew ji dilê xwe yê xemgîn dipirsê :

Ey dilo jaro li kûne

Deşt û zozanê dimin ?

Kanî ew cejn û sema û

Geşt û seyranê dimin ?

Çaxekî dûr û dirêje

Ko ji wan dûr bûme ez

Guh bide ber qîr

Û nal û ah û evxanê dimin

Min divê ku nû ciwanbim

Biçme nav bax û rezan

Kanî ev reng nûciwanî ?

Kanî bostanê dimin ?

Şahî û nûroze îro

Ten semayê kesk û sor

Têne ber çavên me gav û

Çax û dewranê dimin

Keske sorin çox bi surme

Ser bi zêrin ceng û bez

Ka li kûne: dehrî û

Xeftan û mitanê dimin

Ah di bîra minde mane

Ew demên şêrîn û xweş

Tevger û lîzen bi lotik

Deng û xoşxwanê dimin

Min di nav bax û rezande

Lot didan bê tirs û pirs

Min gul û nêrgis didan hev

Ka gulîstane dimin ?

Serxweşê dengê bilûra

Wî şivanê ber zinêr

Kanî îro ew bilûr û

Ew blûrvanê dimin ?

Tev di bin lingên neyaran

Tên pelaxtin yek bi yek

Ew kelat û ew sera û

Birc û eywanê dimin

Ey Cigerxwîn bes bibêje

Pir dirêje ev deram

Maçe lêvê erxewanî

Derd û dermanê dimin

---------------------------------------------

Ji Dîwana Şefaq 6,A - Stockholm