Overblog Folge diesem Blog
Edit post Administration Create my blog
16. März 2011 3 16 /03 /März /2011 15:47

 

 

                                                             Bi Pênûska  Seyda Cigerxwîn



                    Perçekirina

          Risteke Cizîrî

                Min dî di bircê dilberek

                Padişeh û mîr û gerek

                Min go: were nik min serek

                Dilber şikînand şekerek

                                Fe qultû : ya rûhî ! meta ?

 

                 Pişta xwe da min, rû li hêt

                 Gur bûn di dilde : ar û pêt

                 Min go: bibêje, kengî têt ?

                 Go: min heta xatir vebêt

                                Min go: çikim ez ba-heta ?

 

                 Biskan tu bes çîn-çîn bike

                 Miskîn muqabil dîn bike

                 Seyda tu bes xemgîn bike

                 Pêşkêşî yek biskên xwe ke

                               Milkê "xeten"  textê "xeta"

 

                 Dil  bende dava  zulfekî

                 Kevtî kemenda ulfekî

                 Kuştî  bi tîr û  şilfekî

                 Xanim were da dil fekî

                                      Xew nîne gav û sa-eta

 

                 Keşan li dil sed dax û key

                 Qêrîn û hawar, deng û dey

                 Têtin ji min wek na û ney

                 " Hel fî  yedilmefûtnî şey " ?

                                Ew keyfe esnee ya feta" ?

 

                 Zulfên " pet " û serî  le ban

                 Jehrîne  " şibhet  eqreban "

                 Reşkakin " şibhe "  şeban

                 Le  bisk  bi  zulfan  ra teba

                                       Eriş  birin  xal  û  xeta

 

                 Şêrîn  lebê ,   gotin   dirê

                 Key-Xusrewê dêm gewherê

                 Zulfên  sîyah  xistim  ji  rê

                 Lê min ji  biskên pir  girê

                                      Îro  tenê  girtin  du  ta

 

                " Nisbet " perî, zîbaye  ew

                 Wek nergiza yek taye ew

                 Padîşeha     xortaye    ew

                 Ya dil ji min  sohtaye   ew

                                 Xwezka di nêv desta keta

 

                 Ew nazika birca  " hemel "

                 Derket  ji  bircê dil   di gel

                 " Keeneha  necmun   efel "

                 " Ya  men yera xulli fe-hel "

                             " Yeşbeh bi şeyin qameta " ?

 

                 Mej  bexçeya yar " Zeyinî "

                 Bê  tirs  û  pirs sêvek çinî

                 Min dest bire   sêvê, kenî

                 Wê gote min: ho ezbenî !

                                 Xwezka xwedî  te  derketa

 

                 Yar xweş bi lar û lence bû

                 zulf  sinbil  û  leb xunce bû

                 Min  dil   tijî   eşkence   bû

                 Herçî ku bû , ew qence bû

                                 Jehr bû bi min wek şerbeta

 

                 Baxê  bihiştê  ,   rû  xeten

                 Pê xweş dibin min: can û ten

                 Lew  dil  dixwazî   jê ketin

                 " Webîma ceneytû cînyeten"

                                "  Elqet  eleyye  cînayeta  "

 

                 Seyda û xweş  hosta  Mela

                 Cama di dest  mesta, Mela

                 Paşaye     hev-rista  ,  Mela

                 Ev rengê  rist  besta , Mela

                                   Wek  dicle  û  Zab û Şeta

 

                 Min dil  ji derdan bûye mişt

                 Têre   dibazin    tîr   û    xişt

                 Seyda Ciger-xwîn bû , te kuşt

                 Çibkin ji  mizgevt  û kenişt

                                 Ko em bixwênin  van Xeta

--------------------------------------------

 

Dîwana Şefaq 6,A- Stockholm 1982

Diesen Post teilen

Repost 0
Rézan Rézan - in Tevger

Profil - Bîçim

  • Rézan
  • Graphic-Design.
Agriculture Dipl.Ing,
  • Graphic-Design. Agriculture Dipl.Ing,

FACEBOOK

    381892 259646397425769 100001412313651 712092 559923284 n K

Video

 

 

Eyreqib