Overblog Folge diesem Blog
Edit post Administration Create my blog
6. August 2009 4 06 /08 /August /2009 16:07

kette111

Xani.jpg




Saqî ti ji bo Xwedê kerem ke

Yek cure yê mey di camê Cemke

  Da cam bi mey cihennema bit

Herçî me irade ye xuya bit


  Da keyf bibit li ber me ehwal

Kanî dibitin muyesser iqbal 

Idbara me wê giha kemalê

Aya bûye qabilê zewalê

 


  Ger dê hebûya me ittîfaqek

Vêk ra bikira me inqîyadek

  Rûm û Ereb û Ecem temamî

Hemiyan ji me ra dikir xulamî


  Qet mumkin e ev ji çerxê lewleb

Talii bibitin ji bo me kewkeb

  Bextê me ji bo me ra bibit yar

Carek bibitin ji xwêbê hişyar


  Rabit ji me jî cihanpenahek

Peyda bibitin me padîşahek

  Şîrê hinera me bête danîn

Qedrê qelema me bête zanîn


  Derdê me bibînitin ilacê

Ilmê me bibînitin rewacê

  Ger dê hebûya me serfîrazek

Sahibkeremek suxennewazek


  Herçend ko xalis û temîz in

Neqdên bi sikkeyê ezîz in


  Ger dê hebûya me padîşahek

Laiq bidiya Xwidê kulahek

  Teeîn bibûya ji bo wî textek

Zahir vedibû ji bo me bextek

  Hasil bibûya ji bo wî tacek

Elbette dibû me jî rewacek


  Xemxwarî dikir li me yetîman

Tînane der ji destê leîman

  Xalib nedibû li ser me ev rûm

Nedibûne xirabeyê di dest bûm


  Emma ji ezel Xwidê wisa kir

Ev rûm û ecem li ser me rakir

  Namûs e li hakim û emîran

Tawan çi ye Şair û feqîran


  Herçî bire Sîrî destê himmet

Debt kir ji bo xwe bi mîrî dewlet

  Lewra ko Cihan wekî erûs e

Wê hukim di destê Şîrê rûs e


  Pirsî ji dinê min ev bi hikmet

Mehra te çi gote min ko himmet

  Ez mame di hikmeta Xwidê da

Kormanc di dewleta dinê da


  Aya bi çi wechî mane mehrûm

Bi l-cumle ji bo çi bûne mehkûm

  Wan girt bi Şîrî Şehrê Şuhret

Tesxîr kirin biladê himmet


  Her mêrekî wan bi bezlê Hatem

Her mêrekî wan bi remzê Ristem

  Bi fikir ji ereb heta ve gurcan

Kormanc ye bûye Şubhê burcan


  Ev rûm û ecem bi wan hisar in

Kormanc hemî li çar kinar in

  Herdu terefan qebîlê kormanc

Bo tîrê qeda kirîne amanc


  Ev qulzimê rûm û behrê tacîk

Hindî ko bikin xurûc û tehrîk

  Kormanc dibin bi xwîn mulettex

Wan jêk ve dikin misalê berzex


  Cwamêrî û himmet û sexawet

Mêrînî û xîret û celadet

  Ew xetm e ji bo qebîlê Ekrad

Wan dane bi Şîr û himmetê dad


  Hindî ji xecaletê xeyûr in

Ew çend ji minnetê nefûr in

  Lew pêk ve hemî e bêtifaq in

Daim bi temerrud û siqaq in


 

  Tekmîl dikir me dîn û dewlet

Tehsîl dikir me ilm û hikmet

  Temyîz dibûn ji hev meqalat

Mumtaz dibûn xwidan kemalat

                                         Ehmdê Xanî 

Gora Mem -Zin

Zîyareta (Gora) Mem & Zînê

 

 

 

Diesen Post teilen

Repost 0
Rézan Rezan - in Tevger

Profil - Bîçim

  • Rézan
  • Graphic-Design.
Agriculture Dipl.Ing,
  • Graphic-Design. Agriculture Dipl.Ing,

FACEBOOK

    381892 259646397425769 100001412313651 712092 559923284 n K

Video

 

 

Eyreqib